Chand’ Bola...
Iss Bhid Bhari Duniya Me Tumhara Her Jazbat Mujhe Sachha Laga!
Meri Khamoshiyo Ki Awaj Sun..Na Chahte Tum..Ye Janker Achha Laga..!!
Jiske Dum Se Raushan Hai Ye Jaha.. Usi Ka Ik Chhota Sa Hissa Hu!
Kudrat Ne Jise Apni Badnasibi Me Likkha Tha.. Mai Wo ‘Khushnasib’ Kissa Hu!!
Samay Ki Bedard Choto Se Toda Gaya Sitara Hu..!
Niyati Ki Jimmedariyo Se Bandha Hu.. Fir Bhi Mai Aawara Hu!!
Jindagi Ki Raho Me.. Jo Kabhi Her Kadam Pe Mere Saath Chala Karte The,
Aaj Unki Parchhaiya Hi Meri Manjile Hai!
Mai Kabhi ‘Mahfilo Me Tanha’ Hua Kerta Tha, Aaj ‘Tanhaiya’ Hi Meri Mahfile Hai..!!
Haa.. Ye Sach Hai Ki ‘Hushn Ke Badlo’ Se Ghira Rahta Hu Mai Her Pal!
Unki Nadaniyo Se Mere Mann Me Bhi Hoti Hai Halchal..!!
Per Kya Gum Ko Rota Hua Dekhker.. Kabhi Khushi Muskurayi Hai..?
Jao Sagar Se Poochho.. Kya Uske ‘Khare Jal’ Ne Kabhi Kisi ‘Insaa..’ Ki Pyas Bujhayi Hai?
Iss Ajnabi Si Duniya Me Jo Dilati Thi.. Mujhe ‘Apnatva’ Ka Ehsaas!
Meri ‘Asfaltao Ki Aandhi’ Me Gum Ho Jane Wali.. Uss ‘Boond’ Ki Hai Mujhe Talash..!!
Mai Akela Nahi Rahta Hu.. Tumhari Aankho Me ‘Rashmo-Riwazo’ Ki Dhul Hai..!
Jise Tum Log Chand Pe Laga ‘Dhabba’ Samjhte Ho.. Wo Meri ‘Yaado Ka Muskata Hua’ ‘Fool’ Hai!!
Gum Ke Nahi Ye Aansu Hai Khushi Ke, Jo Door Se Hi Najar Ate Hai!
Jab Bhi Kabhi ‘UNKE’ Astitva Se Roobaru Hota Hu Mai.. Khud-Ba-Khud Chhalak Jate Hai!!
Mujhe Dhudhne Me Kisi Ko ‘Koi Taqlif’ Na Ho.. Isiliye Hamesha Ek Hi Raah Pe Chalta Hu..!
‘Tum Jaise Musafir’ Apni Raahe Na Bhatak Jaye..Bas Isiliye Sari Rat.. Mai ‘Chirago’ Ki Tarah Jalta Hu!!
:Saavansahib...
Comments
Post a Comment